Роберто — достарымен ойнағанды жақсы көретін және зымыранға мініп жұлдыздарға ұшуды армандайтын қарапайым бала. Ол үшін бұл әлем ғажайыптарға толы көрінеді. Бір күні кішкене көбелектер десе есі кететін Изабелланы көргенде оның жүрегі бұрын-соңды болмаған нәзік сезімді бастан кешті. Роберто өмірінде алғаш рет ғашық болып қалды!
Оның Изабеллаға деген сезімін қандай сөздермен жеткізгені жөн? Оның үстіне бұл таңғажайып сөздер болуы керек қой. Мүмкін ең биік мұнараға шығып алып айқайлап айту керек шығар? Әлде Изабелланы қалай ұнататынын қағазға жазып, оны бүкіл қалаға іліп шығу керек пе? Немесе аспанға көтеріліп...
Бұл жөнінде Робертоның көп ойлары бар, бірақ ол қалай болғанда да өзінің сезімін жеткізбек.