«Қытайды зерттеу» — 2004 жылғы Корнелл университетінің тамақ биохимиясы кафедрасының құрметті профессоры Колин Кэмпбелл мен оның ұлы — мамандығы бойынша дәрігер Томас Кэмпбеллдің еңбегі. Бұл кітап миллиондаған адамның тамақтануға деген көзқарасын өзгерткен бірқатар жаңалықтар ашты. Ғылым тарихындағы ең кең таралған тамақтану әдеті мен созылмалы аурулар арасындағы байланысты зерттеуге негізделді. «Қытайды зерттеу» еңбегі Қытайдың 65 округіндегі өлім туралы статистикалық мәліметтерді зерттегеннен кейін пайда болды, олар қатерлі ісіктен қайтыс болған премьер-министр Чжоу Эньлайдың бастамасымен жиналды. Осы зерттеу барысында тамақтану мен ауру түрлеріне қатысты 8000-нан астам маңызды деректер анықталды. Кітап дұрыс тамақтанып, салауатты өмір салтын ұстанамын деген барша оқырманға арналады.