Кітап мәтіні баланың оңай меңгеруіне лайықталып, деңгей бойынша құрылған. Әр деңгейге бір жануардың сөзі берілген. Оған тиесілі сөздер қаріп көлеміне қарай ерекшеленген:
• бірінші жыл оқып үйренушілер үшін — Қарға мен Тотықұстың жаңа достарының сөзі;
• екінші жыл оқып үйренушілер ушін — Тотықұстың сөзі;
• үшінші жыл оқып үйренушілер үшін — Қарғаның сөзі және қызықты мәліметтер.
Қарға мен Тотықұс тағы да сапарға шықты! Олар бұл жолы «әлемнің шыңы» атанған суық Гималайға ұшып келді. Жолдан әбден шаршаған Қарға демалуға ыңғайланғаны сол еді, Тотықұс құбыжық көрдім деп мазасын алды. Қарға бұрқылдап, құбыжықтардың болмайтынын айтты. Кенет Тотықұс жоғалды да кетті... Қарға досын қалайда іздеп таппақшы. Бұл жолда оны не күтіп тұр? Ол досын таба алар ма екен? Тотықұс айтқандай, әлемдегі ең биік тау шыңында құбыжықтың бары рас па?... Ары қарай не болғанын білгілеріңіз келе ме? Ендеше, іске сәт!