Кітап оқу – бұл тек бос уақытты қызық өткізу ғана емес. Сонымен бірге тұлға болып қалыптасуға орасан зор көмегі тиетін өте пайдалы іс. Нақтырақ айтқанда, бұл процесс ойлау қабілетін жетілдіріп, сөздік қорды ұлғайтады және сөйлеу мәдениетін дамытып, ми белсенділігін жақсартады, Сондай-ақ, әрбір адамның бойындағы шығармашылыққа деген сүйіспеншілігін оятуға итермелейді.

«Оқырман әліпбиі» сізге кітап оқу дағдысы мен мәдениетін үйретеді. Кітапта кітапты дұрыс таңдау әдістері, кітап оқуға арналған тәсілдер, жылдам оқу тәсілдері, кітаптағы ақпаратты есте сақтаудың жолдары қамтылған. Сонымен бірге қазақ зиялыларының кітаппен достығы, олардың өміріндегі кітаптың орны және кітап жайлы қызықты деректерді де таба аласыз. Қолыңыздағы кітаптың ең басты мақсаты - елдің кітап оқуға деген құлшынысын арттыру, кітап оқу мәдениетін қалыптастыру. Көпшілікке кітап оқыту, кітап окуды дәріптеу.

Барша оқырман қауымға арналады.