Қолыңыздағы кітапты әйелім Урсулаға, балаларым София мен Халстенге және бірлескен авторлар Стейси мен Полға арнаймын. Урсула, сен менің өміріме барлығынан артық құндылық дарыттың. Қосағымның бойынан табылса деген қасиеттің бәрі сенің бойыңда бар. Өмірімді сенсіз елестеткім де келмейді. Шексіз махаббатыңа, адалдығыңа және достығыңа рахмет. Жігерім жасыған кезеңдерде қолдау танытып, маған сенгенің үшін алғысым шексіз. София және Халстен, сендер мені әрдайым жетіле түсуге ынталандырып отырасыңдар. Бұл жалғанда екеуіңнен артық ешкімді де сүймеймін! Бұл кітап сендерге күндердің күні кіршіксіз махаббат пен өмірлеріңнің аяғына дейін жететін шексіз құштарлықты табуға көмектеседі деп сенемін (Әрине, алдымен өсіп алыңдар!). Стейси және Пол, сіздердің жұптардың қарым-қатынасын түзеу қабілеттеріңіз бен көмек қолын созуға деген талпыныстарыңыз маған шабыт береді! Еңбектеріңіз қазірдің өзінде мыңдаған жұпқа көмектесіп, қарым-қатынасының өзгеруіне септесті. Сондықтан білімдеріңіз бен даналықтарыңызды төрткүл дүниеге тарыдай шашылған «Таң шапағаты» қауымдастығының миллиондаған мүшелеріне жеткізе алғанымыз үшін дән ризамын.