Описание Автор әйелдер мен қыз-келіншектер арасында кең танымал психолог, қазақ тіліндегі медитатор. Өзінің 45 минуттан тұратын «Тазалану. Өзін өзі тану» атты дискісімен көптің сый-құрметіне бөленіш жүрген тәжірибелі маман. Кітап авторы өзінің өмір жолында көптеген қиындықтар көрген. Оның психолог мамандығын таңдауының сыры осында. Бүгінде оны көпшілік психолог деп қана емес, «сырласым, құрбым, жанашырым» деп біледі. Автордың «Әлі де кеш емес» атты кітабы, аты айтып тұрғандай, өзіңе апарар жол, өзіңді тану және өзгерудің әлі де кеш еместігін айтқысы келеді. Тұщымды ойлар, тиімді аффирмациялар, пайдалы ақыл-кеңестер, түрлі тағдырлар, қызықты әңгімелер әдемі өрілген бұл кітап автордың ең алғашқы кітабы және басты ерекшелігі - шынайылығы, яғни автордың «адамдарға көмектессем ғой» деген ниетінің риясыздығын аңғару қиын емес. Кітап психологиялық көмекке зәру жандарға таптырмайтын құрал.